Маңғыстау​ облыстық​ перинатальдық ​ орталығында ​ жылына 800-ге жуық сәбилер салмағы 2,5 келіге жетпей дүниеге келеді. Жалпы, адам табиғатында анаға​ перзентін 9 ай көтеру тән. ​ Алайда, жүктіліктің 21-ші, 22-ші апта, 7-ші, 8-ші айларында өмір сүруге асығып, дүниеге келетін сәбилеріміз аз емес.​ Осындай ең аз салмақпен дүниеге келген нәрестелерді күту үшін орталықтағы нәрестелер реанимациясы және интенсивтік​ емдеу бөлімшесі ​ қажетті жабдықтармен, ​ дәрі-дәрмектермен толықтай ​ қамтылған.

17 қараша ​ күні аталған мереке күніне орай ұйымдастырылған шара өтті. ​ Шараға БАҚ өкілдері, облыстық Аналар кеңесінің мүшесі, «Қараман ата» қайырымдылық қорының жетекшісі Сәуле қажы Бердіханқызы және қор мүшелері Жанқұлова Айгүл, Имангазиева Назгүл, Байманбет Мұхаммед, Байманбет Аймөлдір ​ және «28 ілмек» қайырымдылық ұйымының өкілдері қатысып, шала туған нәрестелер мен олардың аналарына қайырымдылық ​ көмектерін жасады. ​ Перинатальдық орталық ​ атынан да шала туған нәрестелерге сыйлықтар ұсынылды.​ «28 ілмек» қайырымдылық ұйымы біздің орталықтағы шала туған нәрестелерді​ қажетті тоқыма бұйымдармен қамтуды дәстүрге айналдырған. Еріктілерден құрылған​ ​ «28 ілмек» клубы ​ орталықпен тығыз байланыста. Клуб басшылығы Каширская Лариса Михаиловна, Маржан Ергалеева нәрестелерге ​ тез сауығып шықсын деген тілекпен, кезекті дайын бұйымдарын орталыққа жеткізіп, таза жүннен тоқылған киімдер мен ойыншықтарды табыс етті. Шала туған сәбилер үшін жүннен дайындалған тоқыма бұйымдар аса пайдалы. Мерзімінен бұрын дүниеге келген сәбилердің тыныс алу орталығы дұрыс жұмыс жасамайды, сондықтан, олар ұзақ ұйықтап кетеді. Сол кезде аталмыш бұйымдар нәрестенің денесіне әсер етіп, қозғалысқа бейімдеп тұрады. Көбінесе бас киім, шұлық және кеудеше пайдаланылады. Себебі, жаңа туған сәбидің басындағы жылу тез жоғалады және аяғы мен қолдарының ұшына келгенде қан айналымы салқындап, жүрмей қалады және организмі толық жетілмегендіктен қан айналымы әлсіз, ұйықтап кетсе оянуы қиын. Сондықтан, денесін жылытып әрі тоқыманың түгі денесін тітіркендіретіндіктен нәресте қозғалыста болады.

ПЕРИНАТАЛЬДЫҚ ОРТАЛЫҚ  атынан қайырымдылық жасаған абзал жандарға шын жүректен ​ жылы ​ ықыластарыңыз бен қолдауларыңыз ​ үшін үлкен ризашылығымызды білдіреміз! Сіздер шала туған нәрестелеріміздің оңалуына ​ кішкене болса да үлес қостыңыздар! Жасаған барлық жақсылықтар мен істеріңіз ​ берекелі болып, мәртебелеріңіз аса берсін! ​ ​ ​

Құрметті  АНАЛАР! Дүниеге дені сау сәби әкелу өз қолдарыңызда! Жүктілік кезінде зиянды заттардан сақтанып, күтініп жүріңіздер! Іште жатқан шарананың ​ денсаулығы ​ Сіздің​ денсаулығыңызбен тікелей байланыста екенін әрқашан ұмытпаңыздар!