2022 жылғы 3 тамыз күні, Маңғыстау облыстық денсаулық  сақтау басқармасы басшысының орынбасары Л.Есенғалиеваның қатысуымен,​ Облыстық перинатальдық орталығында 2022 жылдың 6 ай мерзімі бойынша есеп беру жиналыс өтті. Шараға орталықтың барлық медицина қызметкерлері және облыстағы МСАК мекемелерінің басшылары қатысты.

Л.Есенгалиева медициналық- санитарлық алғашқы көмек​ ұйымдары мен​ акушерлік-гинекологиялық көмек көрсететін медициналық мекемелер арасындағы​ байланыс пен​ ақпарат алмасудың аса маңыздылығын атап өтті. Стационарға жатқызылмаған пациенттерді әрі қарай бақылау, емдеу үшін МСАК ұйымдарына бағыттау, барлық ақпараттарды электрондық жүйеге сапалы енгізу, мамандарды оқыту және тағылымдамадан өткізу қажеттілігі секілді өзекті ​ мәселелерге ​ тоқталып өтті.​ Талқылау қорытындысында кезек күттірмейтін шаралар қабылданды. ​ ​

Орталық директоры Ж.Епенова 2022 жылдың жарты жылында атқарылған жұмыстар мен алдағы жоспарларға кеңінен тоқталып, қойылған сұрақтарға толықтай жауап берді.

​ Жиналыс барысында айтылған шаралар есебіне қатысты денсаулық сақтау басқармасы тарапынан ​ оң баға берілді.

Маңғыстау облыстық перинатальдық орталығының негізгі қызметі ана мен перинаталдық өлім-жітімін болдырмауға, гинекологиялық ауру-сырқауларды төмендетуге, жүкті, босанған және босанғаннан кейінгі кезеңдегі әйелдерге, жаңа туған нәрестелер мен гинекологиялық науқастарға мамандандырылған және жоғары мамандандырылған акушерлік, гинекологиялық және неонатологиялық қызметтер ​ көрсетуге​ бағытталған.