Баланың дүниеге келуі​ – әрбір адамның өміріндегі маңызды әрі жауапты қадамы.

Жаңа туған нәрестеге жеке сәйкестендіру нөмірі ЖСН (ИИН) ПЕРЗЕНТХАНАДА бірден беріледі.

Туу туралы куәлікті қалыптастыру автоматты режимде жүреді. Перзентханадан баланы туу туралы анықтама АХАЖ жүйесіне тікелей беріледі. Осыдан кейін құжат жасалып, ата-аналары баланың тууына байланысты құттықтаумен, баланың атын атауды өтінген sms- хабарлама алады. Хабарламаға жауап sms жіберілген соң, туу туралы куәлік рәсімделеді. Құжатты АХАЖ-дан қағаз түрінде немесе телефонға электрондық түрде алуға болады

Баланың тууын тіркеуге, өтініш беруге мүмкіндік беретін белсенді қызмет Сізге ​ ыңғайлы болады. Қызметті пайдалану үшін мобильді азаматтар базасында (МАБ) тіркелу қажет. Мұны төменде көрсетілген тәсілдердің бірімен жасай аласыз:

ЭЦҚ қол қоя отырып, eGov.kz порталының Жеке кабинеті арқылы дербес (МАБ-та тіркелу бойынша нұсқаулық);

"Азаматтарға арналған үкімет" МК КЕАҚ​ (ХҚКО) филиалдарының кез келген қызметкерлеріне жүгіну;

Перинаталдық орталықтар мен перзентхана жанындағы​ "Азаматтарға арналған үкімет" МК КЕАҚ​ өкілдеріне жүгіну;