СПИД-тің алдын алу және онымен күресу, эпидемияға қарсы алдын-алу іс-шаралармен айналысатын, өлкедегі АИТВ-инфекциясының таралуын болдырмау және АИТВ жұқтырған, ЖИТС-пен ауыратын науқастарға медициналық көмек көрсетіп отырған мекеменің ​ қызметкерлері ​ АИТВ-инфекциясы мәселелері бойынша әдістемелік-консультациялық көмек көрсету мақсатында, 2023 жылғы 10 қараша күні​ Облыстық перинатальдық орталығында 70 дәрігерлер мен орта медициналық қызметкерлер үшін ауқымды семинар өткізді. Дәрісті​ эпидемиология бөлімінің меңгерушісі Жәмила Абдикадирқызы Махамбетқалиева жүргізді.

Дәрігер АИТВ инфекциясының еліміздегі және өлкедегі эпидемиологиялық ахуалы, АИТВ инфекциясының анадан балаға берілуінің алдын-алу, жүкті әйелдерге​ кеңес беру, оларды тестілеу, жүкті​ әйелмен қатар оның жыныстық серіктесіне де​ АИТВ-ға​ тексеру, АИТВ жұқтырған әйелдерге жүктілік, босану кезінде және олардың нәрестелеріне вирусқа қарсы жүргізілетін профилактикалық ​ шаралар, анонимділікті, құпиялылықты қамтамасыз ету мақсатында ​ берілетін бірегей сәйкестендіру коды (БСК), АИТВ-ға экспресс-тестілеу өткізу, оның сапаны қамтамасыз ету, ВПО/DTS құрғақ​ бақылау түтікшелерін пайдалана отырып АИТВ-ға экспресс-тестілеу,​ құжаттарды жүргізу, қызмет атқару кезіндегі кәсіби қауіптер және оның алдын-алу шаралары, сонымен қатар бұрын «тексерілмеген» және «бақылауға алынбаған» жүкті әйелдер мен АИТВ-статусы бар жүкті әйелдердің орталыққа түсуі кезіндегі медицина қызметкерлерінің іс-қимыл алгоритмі бойынша толыққанды ақпараттар берді.

Медбике З.Кибашова АИТВ-ға жедел тестілеу сапасын ​ бақылау​үшін ​ кептірілген түтіктегі үлгілер әдісін (ВПО/DTS), ​ экспресс - тестіні өткізуді, техникасын, тестілеу кезіндегі қателер, нәтижелерге баға беру бойынша қызметкерлерге ​ практикалық дағдыларды көрсетіп, экспресс-тестілеу әдістемесі бойынша қызметкерлерге мастер-класс өткізіп, білімдерін пысықтады. Семинар соңында​ қатысушылар өз ойларын ортаға салып,​ сұрақтар​ қойып, өзара​ пікір​ алмасты.