Ақтау қаласының тұрғыны, 26 апта 4 күндік жүктілікпен, өмірге салмағы -860,0 грамм, бойы-32 см шақалақты 2023 жылғы 03 тамыз күні, кесар тілігі отасымен дүниеге әкелді. Тексеру нәтижесінде сәбиде туа пайда болған даму ақаулары, бронхөкпе дисплазиясы, өкпе қабынуы, арнайы емді қажет ететін респираторлық бұзылулар, төмен деңгейдегі сорғыш рефлексі, терморегуляция бұзылуы, ​ қан айналымының жеткіліксіздігі белгілері ​және тезірек оперативтік емдеуді қажет ететін ​ шаптың​ гангрена қабаттасқан​ екі жақты жарығы анықталды.

Баланың денсаулығын қалпына келтіру үшін дәрігерлер ұзақ күресті. Жаңа технология мен дәрігерлердің көмегінің арқасында бала аман қалды. Нәрестелер реанимациясы және қарқынды терапия ​ бөлімшесінің​ мамандары​бала ​ жанын сақтап қалу үшін барын салды.

Ақырындап  энтеральды тамақтануды сіңіретін жағдайға жеткен кезде бала нәрестелерді жетілдірудің 2-ші сатысы бөліміне ауыстырылды. Бөлімше қызметкерлерінің біліктілігі мен күтімінің арқасында сәбидің  жағдайы әлдеқайда жақсарды. Бұл уақыт ішінде​ дәрігер хирург Джоэл ​ Кохен тәсілімен лапаротомия отасын жасап, шап жарығын қалпына келтірді.

Бүгін, 2024 жылдың​ 04 қаңтары күні, сәбидің туғанына 153-ші тәулікте 2310,0 гр салмақпен, аман-есен үйіне шығарылды. Нәрестенің анасы қуаныштан ағынан жарылып, ақ халаттыларға​ алғысын білдірді.