Денсаулық сақтау министрлігі жүктіліктің 9-аптасынан бастап ұрықтың ДНК диагностикасын енгізуде. Бұл зерттеу жүктіліктің ерте кезеңінде ұрықтың хромосомалық ауытқуларын анықтауда ұрық пен әйелдер үшін ең сезімтал және қауіпсіз болып табылады.

Пренаталдық ультрадыбыстық диагностика бойынша елдің жетекші мамандарының Сараптама тобы құрылды.

Сондай-ақ, ҚР Денсаулық сақтау министрлігінің бас генетигі, профессор Гүлшара Жүсіпқызы Әбілдинова және ҚР Денсаулық сақтау министрлігінің пренаталдық диагностика УДЗ бойынша бас маманы, м.ғ.д. Жанар Қуанышбайқызы Құрманғали еліміздің ультрадыбыстық диагностика дәрігерлері мен медициналық генетиктерінің кәсптік даярлығын арттыру бойынша оқыту жүргізді.

Бүгінгі таңда халықаралық стандарттарға сәйкес пренаталдық ультрадыбыстық диагностиканың 150 дәрігері сертификатталған. Жүкті әйелдерді скринингпен барынша қамту үшін қажеттілікті, көліктік қолжетімділікті есепке алу, мамандармен және жабдықтармен қамтамасыз ету үшін өңірлендіру жүргізіледі. Қазіргі уақытта өңірлерде перинаталдық нәтижелерді жақсарту үшін сараптамалық деңгейдегі медициналық қызметтер көрсететін «Ұрықты қорғау орталықтары» ұйымдастырылған.

Өз кезегінде, жүктілік кезінде скринингтік зерттеулерді уақтылы жүргізу туа біткен патология бойынша қауіп тобын анықтауға және ұрықтың дамуындағы ауытқулардың үлкен спектрін диагностикалауға мүмкіндік беретінін еске саламын.