2023 жылғы 15 желтоқсан​ күні​ Облыстық перинатальдық орталығында «Шала туған нәрестелерді​ «Нумета» препаратымен ​ қоректендіру»​ тақырыбында семинар өтті. Семинарды Алматы қалалық ​ №3 Перинатальдық орталығының неонатология қызметі бойынша жетекші, жоғары санатты дәрігер ​Байтанатова Гулайым Рахметовна жүргізді.

Нәрестелер ауырса немесе мерзімінен бұрын туылса жеткілікті қоректік заттарды асқазан мен ішек арқылы дұрыс сіңіре алмайды және ​ бұл қауіпті жағдай. Сәби асқазанға тікелей жеткізілетін тамақты немесе сұйықтықты ауыз арқылы ала алмаған кезде, қоректік заттарды тамыр арқылы немесе тамырішілік түрде қабылдауы керек. Парентеральды жолмен нәресте ағзасына ақуыздар, көмірсулар, майлар, витаминдер мен минеральдық заттарды жеткізеді.

Шала туған нәрестелерді парентеральді қоректендіруге арналған «Нумета G13E» препараты - инфузияға арналған​ эмульсия. «Нумета G13E»препаратымен емдеудің бүкіл кезеңі бойы магний деңгейін, қан сарысуындағы осмолярлығын, қан сарысуындағы триглицеридтерді, қышқыл-негізгі тепе-теңдікті, қандағы глюкоза концентрациясын, бауыр мен бүйрек функциясын қоса су-электролитті теңгерімді, тромбоциттерді және коагулограмма көрсеткіштерін қоса, қанның жалпы талдауына тұрақты мониторинг жүргізіп отыру керек

Дәрігер сәбилерге парентеральды қоректіің қажеттілігі, көрсетілімі, берілуі, қолданылуы,дозалар, енгізу әдісі, жолы, басқа препараттармен өзара әрекеттесуі, жағымсыз реакциялар кезіндегі шаралар бойынша толықтай мағлұматтар берді