Қазақстан Республикасы  Денсаулық сақтау министрлігінің Ана мен бала департаментінің бастамасымен,  "Ayala" Қайырымдылық қорының қолдауымен 2023 жылғы 4-5 мамыр күндері Алматы қаласында перинаталдық орталықтар мен перзентханаларда, жалпы неонатология саласында қызмет атқаратын  медбикелердің бірінші Халықаралық форумы басталды. Форумға Оңтүстік Корея, Турция, Өзбекстан, Литва және ЕО- одағының халықаралық және отандық сарапшылар қатысуда.

Шараның негізгі  мақсаты – реанимация және қарқынды терапия бөлімшелерінде нәрестелерді құтқару мен күтуде орта медицина персоналының ерекше және өте маңызды рөліне назар аудару. Бұл мейірбикенің имиджін арттыруға, күтім сапасын жақсартуға және бала өлімін азайтуға ықпал етеді.

Аталған шарада Маңғыстау облыстық перинатальдық орталығының анестезиология және жан сақтау нәрестелер бөлімшесінің емшара медбикесі

АГАДИЛОВА АЙНАГҮЛ спикер ретінде қатысып, алғашқы күні  "Нәрестелердің жылулығын сақтау" тақырыбында баяндама жасады.

Осындай  ауқымды деңгейдегі  іс-шарада кәсіби  біліктілігін көрсеткен медбикеміз Агадилова Айнагулге сәттілік, қызметінде үлкен жетістіктер тілейміз!  ‼️