2023 жылғы 11 мамыр күні,​ Маңғыстау облыстық перинатальдық орталығында​ Халықаралық медбикелер күніне орай, облыс деңгейіндегі акушерия саласында қызмет ететін үздік орта медициналық медицина қызметкерлерінің қатысуымен, «Мейірбикелер–денсаулық сақтау саласындағы өзгерістердің қозғаушы күші, өмірлік маңызды ресурсы»​ тақырыбында​ ғылыми-тәжірибелік​ конференция өтті. ​

Маңғыстау облыстық денсаулық сақтау басқармасы басшысының орынбасары Б. Дюсенбаева шараны ашып, бүгінде халыққа қолжетімді сапалы медициналық көмек беруде орта медицина қызметкерлері  бағалы ресурс болып табылатындығын атап өтті.

Конференция ауқымды шараларды​ қамтыды.

Орталықтың босану залының​ акушері М. Алимжанова «Босанғаннан кейінгі ерте кезеңдегі атониялық қан кету», бас акушер Г.Ахметжанова «Босандыру ұйымдарындағы инфекциялық бақылау» тақырыбында баяндама жасады. ​

Келесі кезекте бөлімшелер арасында «акушериядағы жедел жағдайлар кезіндегі ​ шұғыл көмек» тақырыбына тренингтер мен сұрақ- жауап жарыстары ​ өткізіліп, жеңімпаздар әділ қазылар шешімімен марапатталды. ​ Қатысушылар барлық шараларға белсене ​ қатысты.  Дәрігерлер мейіргерлерге ән шашу арнап, Жаңаөзен қаласы мен ​ аудандардан қатысқан үздік орта медицина қызметкерлеріне Алғыс хаттар тапсырылды.

Конференция ​ өткізудің негізгі мақсаты - ана мен балаға медициналық көмек көрсету сапасын жақсарту,​ орта буын қызметкерлердің біліктілігін арттыру және мейіргерлердің ​ одан әрі жемісті жұмыс істеуін ынталандыру болып табылады.