2023 жылғы​ 27 қараша күні Облыстық перинатальдық орталығында​ 38 апталық жүктілікпен Ақтау қаласының 36 жастағы  тұрғыны босанды. Нәресте «Туа біткен даму ақаулары. Полидактилия. ​ ​ Кеңірдек-өңеш жыланкөзі. ​ Өңеш ​ атрезиясы» патологиясымен дүниеге келді. Жалпы жағдайы өте ауыр. Тыныс алу жетіспеушілігі себебінен, ​ нәрестелер реанимациясы мен қарқынды терапия бөліміне аударылды.

Жан-жақты зерттемелерден кейін, коллегиялық шешім қабылданып, 28 қараша күні шұғыл түрде ота жасау жоспарланды.

Облыстық балалар ауруханасының жоғары санатты хирург дәрігері

Құрман Айғалиұлы Қайранов комбинирленген​ патологияның ауыр түрі болып табылатын- кеңірдек-өңеш жыланкөзі ​ (трахеопищеводный свищь), өңеш атрезиясы​ (атрезия пищевода) патологиясына, ​ сәбидің ​ тыныс алу және жүрек қызметін бақылай отырып, ​ сол жағынан көкірек арқылы сірі қабық қуысын ашып (торакотомия), ​ трахеэзофегальды анастомоз жасап, ретроплевральды кеңістікті дренаждап, торакопластикамен ​ дефектіні қалпына келтірді. Ота эндотрахеальды ​ анестезиямен жасалды.

Сәбидің жағдайы бірте-бірте  жақсарып, сәбилерді жетілдірудің 2-ші сатысы бөлімінен емшаралар қабылдап, туғанына 18-ші тәулік дегенде, 2023 жылғы 15 желтоқсан күні қалыпты жағдайда​ анасымен үйіне шығарылды. ​

Бұл ота міндетті әлеуметтік медициналық сақтандыру (МӘМС) жүйесі есебінен жасалды. ​