2022 жылғы 21 қараша күні Маңғыстау облыстық перинатальдық ​ орталығында Мұнайлы ауданының тұрғыны, 57 жастағы пациентке өте күрделі - аналық бездің ​ муцинозды​ ісігі, өте ірі размердегі​ цистаденома ​ және жатырдан туылып келе жатқан үлкен ​ миомаға (рождающаяся миома матки больших размеров) байланысты ота жасалды. Науқастардың санатына қарай мұндай оталар міндетті әлеуметтік медициналық сақтандыру (МӘМС) аясында тегін жасалады. Цистаденома- эпителиальды аналық бездің шырышты цистомасы. Пациентте​ ауырсыну, өзін жәйсіз сезіну, жатырдан қан кету, ішінің мөлшері біртіндеп ұлғаюы сияқты​ белгілер болған. Ота барысында төбе беті бар, өлшемі 4 келіге жуық, диаметрі-25 см, ішкі беті цилиндр тәрізді жасушалармен қапталған, ​ шырыш қабығы зақымдалған аналық ​ бездің ісігі алынды. ​ Күрделі отаны тәжірибесі мол дәрігер Утешева Мария Бекбергенқызы лапаротомия арқылы жүзеге асырды. ​ Қазіргі таңда пациенттің жағдайы қалыпты. Үйге шығуға ​ дайындалуда. ​ ​ ​ ​

Утешева Мария Бекбергенқызы - жоғары санатты ​ акушер-гинеколог дәрігер, Қазақстан Республикасының ​ денсаулық сақтау саласының ​ үздігі.​ Ақтөбе мемлекеттік медицина институтын бітіріп, еңбек жолын Түпқараған орталық аймақтық ауруханасында бастаған. Соңғы 27 жыл бойы үздіксіз Облыстық перинаталдық орталығында акушер-гинеколог дәрігер, 8 жылдан бері ​ консервативті ​ гинекология бөлімшесінің бөлім меңгерушісі ​ қызметін атқарады. ​ Жас мамандардың тәлімгері. Санитарлық ​ авиациямен алыс ​ елді мекендерге ​ де шығып тұрады. Өте күрделі деген оталардың ​ өзін ​ мінсіз жасап, ауыр жағдайдағы ​ аналарды ​ аяғынан тік ​ тұрғызып, халықтың ​ жылы ықыласы мен алғысына ​ бөленіп жүрген​ бірегей жан.​ Өз саласына деген адалдығы мен жұмысына шынайы берілгендігі оның талай жылғы тынымсыз еңбегінен байқалады. ​ Бөлімше ісінің қыр-сырын әбден меңгерген, мамандандырылған медициналық көмектің толық көлемін иеленген дәрігердің ​ өте күрделі ​ оталарды жүргізуі - жоғары кәсібилілігінің​ арқасы. ​ ​ ​ ​ Мария Бекбергенқызы жылына шамамен ​ ​ 400-ден астам ота жасайды. ​ Олардың ішінде босану, кесар тілігі, консервативтік, жедел оталар, күрделі акушерлік,​ гинекологиялық​ және​ лапароскопиялық ​ оталардың барлық ​ түрлері бар. ​ Әр пациентке ​ құрметпен қарап, олардың көңіл-күйін дөп тауып, тиісті ем шарасын жасап, ақыл-кеңесін беріп, жылы қарым-қатынас орната білетін, ​ халықтың алғыс-сауабын арқалаған ақ халатты абзал жанға мықты денсаулық, ​ еңбекте табыс, төзімділік пен күш қайрат тілейміз!