Астана қаласында өткен​ "Пренаталды диагностиканың заманауи аспектілері" тақырыбында өткен 1-ші Халықаралық Конгресске Перинатальдық орталықтың медициналық генетика бөлімшесінің барлық қызметкерлері, атап айтқанда ОДСБ-ның штаттан тыс бас генетик маманы Н.С.Жусупова, ​ УДЗ дәрігерлер: А.Ж.Амантурлыева,​ Асия И.Р.Атанова,цитогенетик А.Г.Кесикова, генетик дәрігер Р.Х.Мусурманова, лаборант мамандар П.К.Ыкыласова, Л.Адихан, медбикелер: С.С Абдикаликова мен Н.Д.Джумакулова қатысты.

350-ден астам пренаталды медицина саласындағы мамандар (генетиктер, УДЗ- дәрігерлері, акушер-гинекологтар, зертхана мамандары) қатысқан Конгрессте

халыққа ультрадыбыстық диагностика және медициналық-генетикалық көмек бойынша жаңа стандарттарды іске асыру бойынша өзекті мәселелер талқыланып,

түрлі клиникалық жағдайлар талданып, жүкті пациенттердің қатысуымен ұрықтың туа біткен ақауларын ультрадыбыстық диагностикалау бойынша көрнекі мастер-класстар өтті. Пренатологтарды үздіксіз оқыту, шеберлік сабақтарды халықаралық мамандардың қатысуымен өткізу, ұрықтың ТБА диагностикасының заманауи әдістерін енгізу, заманауи медициналық жабдықтармен қамтамасыз ету мәселелері талқыланды. Орталық мамандарының пікір алмасу алаңына қатысуы - өлкедегі пренаталды медицинаның одан әрі дамуына ықпал етуі сөзсіз.