​17 қараша - бүкіл әлемде Халықаралық шала туылған нәрестелер күні ​атап өтіледі.

Бала денсаулығы мен тәрбиесіне терең мән берген халқымыздың ғасырлар бойы келе жатқан салт-дәстүрлері мен әдет-ғұрыптарының мәні зор. Қазақ халқы бұл проблеманы ерте заманнан-ақ шешкен екен. Салттың бірі - осы шала туған баланың күтімімен байланысты

«Баланы тымаққа салу» дәстүрі. Тымақ - табиғи аң терісінен жасалатын бас киімдердің бірі, әрі жұмсақ, жылы, бөлеуге ыңғайлы болған. ​ Сәбидің неше күні кем болса, сонша күн керегенің әр басына ілініп қойылатындықтан, күн кереге басы арқылы есептелінген. Мысалы, қырық күн кем болса керегенің қырқыншы басынан кейін бала тымақтан алынып, жаңа туған баланың рәсімі жасала бастаған.

Аң терісінен тігілген тымақтың қылы баланың денесін жыбырлатып, оның жиі оянып, қимылдауына септігін тигізіп отырған. Қазіргі таңда​ шала туған балалардың өсіп-жетілуіне тоқыма киімдердің пайдасы зор. ​ ​

Ата-бабаларымыз мерзімінен бұрын дүниеге келген​ баланы тымаққа салып өсірсе, бүгінде шала туылған​ баланың​ жалпы жағдайы мен салмағына байланысты кувезге салады.​

Шала баланы баптауда ата-бабалар амал-әрекетін қазіргі медицина мойындады. Тоқыма киімдердің пайдасы зор екенін медициналық тұрғыда дәлелденді.

Медицина ​ ғалымдарын осындай дәстүрімен мойындатқан қазақ халқының данышпандығына еріксіз таңғалалуға болады..