2023 жылғы 06 қараша күні Облыстық перинатальдық орталығында  Президент Іс басқармасы Медициналық орталығы ауруханасының дербестендірілген геномдық диагностика зертханасының меңгерушісі, ҚР ДСМ штаттан тыс бас генетик дәрігері, медицина ғылымдарының докторы Әбілдинова Гүлшара Жүсіпқызы  «Генетикалық патологияларды диагностикалаудың  заманауи әдістері" тақырыбында презентация мен шеберлік сабағын өткізді. Дәріс  тұқым қуалайтын аурулардың молекулалық және биохимиялық диагностикасының қазіргі заманғы әдістері, тұқым қуалайтын аурулар, пренатальдық диагностика,  полимеразды тізбекті реакция, ДНК- диагностика, цитогенетикалық әдістер, жүйке-бұлшық ет атрофияларын ерте диагностикалау, ықтимал аурулар туралы білуге ​және олармен алдын-ала күресуге мүмкіндік беретін ДНК-диагностиканың әдістері секілді маңызды тақырыптарды қамтыды.